توضيح عن خدمة الدفع عند الاستلام

تصلنا بعض الاستفسارات من بعض العملاء على الواتس اب بشأن خدمة الدفع عند الاستلام راح نوضح لكم الامر بكل صراحة تكاليف الخدمة مع شركات الشحن عالية تكاد تصل لضعف رسوم الشحن العادية ! العميل بالعافيه يوافق على رسوم 25 ريال لمن نقول له ادفع 45 ريال الغالبية يرفضون ثانياً الاموال تتاخر عند شركات الشحن يعني مثلاً بوابات الدفع الالكترونية المسبقة تحول المستحقات مرتين في الاسبوع. اما شركات الشحن سمسا وارامكس تحول مرة كل 20 يوم او شهر. افترض انك تاجر ومكسبك في المنتج من 10 الى 15% هل من المعقول تجمد راس مالك مع شركات الشحن لفترة شهر علشان هذي النسبة البسيطة من الارباح؟ نجي للسبب الثالث والاهم كثير من العملاء غير جاديين يطلب ويعمل تأكيد للطلب ولمن نشحن له مشترياته ويتصل عليه المندوب ما يرد عليه او يرفض استلامها ايش يحصل وقتها ؟ تحملنا شركة سمسا وارامكس رسوم الشحن وكمان رسوم الارجاع! هذا غير الوقت الي ضاع في تجهيز الطلب وشحنه وارجاعه لان الوقت برضو له قيمة


نحنا موفرين خدمة الدفع عند الاستلام بمدينة جده لمشتريات بقيمة 500 ريال وأقل لاننا متواجدين فيها لو انت مثلاً من خارج جده عندك طرق دفع كثيره مدى , فيزا , ابل باي , اس تي سي باي , تحويل بنكي. بتقول اول مره اشتري من موقعكم لو دفعت لكم مسبقاً كيف اضمن حقي ؟

مؤسستنا مسجلة في مبادرة معروف


( مبادرة معروف خدمة مقدمة من وزارة التجارة السعودية بالتعاون مع شركة ثقة لخدمات الأعمال وهي تتعلق بالتوثيق والتحقق من التجار ومصداقيتهم وجودة منتجاتهم كما انها تتيح استقبال التقيمات و البلاغات التجارية من العملاء )


في معروف شهادتين شهادة بشعار ذهبي ومعناها أن الموقع عنده سجل تجاري رسمي مطابق للنشاط وشهادة ثانيه بشعار فضي وتعني انه تم التحقق من هوية مالك النشاط لكن بدون وجود سجل تجاري متجرنا يملك شهادة تسجيل ذهبية وكل التقييمات ايجابية ولله الحمد رابط : https://maroof.sa/155575

نتمنى نكون وضحنا لكم الامر بشكل كافي نرحب باسئلتكم وملاحظاتكم واتس اب او اتصال

السعودية 0500949427 بقية الدول : 00966500949427

دمتم بخير

متجر برفيو تست

لا توجد أسئلة بعد